اسلام آباد 23 جولائي (اے پي پي) د ضروري څيزونو نرخونو پرله پسې څارنې او د حكومت لخوا د شوو اقداماتو په نتيجه كښې د روان مالي كال په مهال صارفينو لپاره په حساس اشاريه كښې د كمي امكان دے. دا خبره د خزانې وزارت لخوا په جاري اقتصادي اپ ډېټ كښې شوې. د اقتصادي اپ ډېټ له مخې د كورونا وائرس د وبا نه وړاندې حكومت په نړيوال ماركيټ كښې د څيزونو په بېعو كښې د اضافې، د هېواد په ځينې برخو كښې د فصلونو زيان او د مطلوبه اېډجسمنټس پالېسو په وجه د پېدا شوي افراط زر فشار كمولو له هڅې كولې. د دې په نتيجه كښې د ضرورت د څيزونو په بېعو كښې استحكام راغلے ؤ. د اپ ډېټ تر مخه د مارچ په مياشت كښې په نړيواله او ملكي كچه د لاك ډاٶن په نتيجه كښې د طلب او رسد په نظام آغېز پرېوت، د دغې صورتحال تر مخه سټېټ بېنك په پاليسي رېټ كښې د 625 بېسس پوائنټس كمے وكړو او د پالېسې رېټ ئې 7 مقرر كړو. په بېعو كښې استحكام لپاره حكومت خپل خرڅونه كم كړل، په زرعي پېداوار كښې اضافې او د پېداوار اضافې لپاره د سرمايه كارې او د ضرورت د څيزونو د مناسب مقدار وركړې غوندې اقدامات وشول. عام وګړي ته ريليف وركولو لپاره حكومت د يوټېليټي سټورز كارپورېشن د لارې په مناسبه بېعه د ضرورت څيزونو وركړه ممكنه كړې شوه. د دې اقداماتو په نتيجه كښې صارفينو لپاره د بېعو حساس اشاريه سنګل ډېجټ شوه او د مئي مياشتې په ختمېدو د بېعو حساس اشاريه 8.2 فيصد ريكارډ كړې شوه. دغسې د فرورې نه د مئي تر مياشت د افراط زر شرح كښې پرله پسې كمے په نظر راتللو. په دې مياشتو كښې د افراط زر په شرح كښې په مجموعي توګه د 6 فيصده كمے ريكارډ كړے شو. د خزانې وزارت له مخې حكومت د ضرورت څيزونه اسانولو او معقول كولو لپاره اقدامات كوي. حكومت د ذخيره كوونكو په ضد د سختو اقداماتو پوخ عزم لري، ځكه په سباٶن كښې د څيزونو په بېعو كښې د اضافې امكانات كم كړې شوي. د حكومتي اقداماتو په نتيجه كښې د روان مالي كال په مهال د افراط زر شرح د 10.7 فيصد پاتې كېدو امكان دے. د دې څخه وړاندې په كال 2021م كښې د افراط زر شرح تر 11.8 فيصده د پاتې كېدو امكان څرګند كړے شوے ؤ
د نرخونو پرله پسې څارنې او د حكومت لخوا د شوو اقداماتو په نتيجه كښې صارفينو لپاره حساس اشاريه كښې د كمي امكان دے. د خزانې وزارت اقتصادي اپ ډېټ
مضمون کا ماخذ : خیبر پختونخوا لاٹری
متعلقہ مضامین
