کراچی۔30 اګست(اے پی پی) صدر ډاكټر عارف علوي په بېنكونو زور راوړے چې هغوي د ماركيټ په عصري رجحانات او غوښتنو د تحقيق رجحان ته وده وركولو له پوهنتونونو سره تعلق ولري۔ د ګل په ورځ د اسلامي بېنكارۍ په اړه څلورم ګول مېز كنفرنس كښې د خاص مېلمه په حېث خپل خطاب كښې صدر ووئيل چې كله د پوهنتونونو زده كوؤنكو اېم فل او پي اېچ ډي لپاره د بېلو موضوعاتو مطالعه كوله نو تحقيق لپاره د جلا ادارې جوړولو ضرورت ولې محسوس شو۔ هغه ووئيل د بېنكنګ سېكټر لخوا د ريسرچ زده كوؤنكو بايد لارښوونه او سرپرستي وكړې شي دغسې چې د هغوي د هڅو او د ماركيټ غوښتنو او عصري رجحاناتو ترمينځه همغږي راپېدا كړې شي۔ ډاكټر عارف علوي ووئيل د سرمايې يو ځاے بندول يو ضرر رسونكے كار دے كوم چې د اسلام د تعليماتو په ضد دے ۔ يوه په زړه پورې ټولنه د دولت جمع كولو مخالفت كوي۔ هغه ووئيل د كوم وګړي د مرګ نه سمدستي وروستو د دولت او جائيداد وارثانو ته منتقل كېدل هم د اسلام د تعليماتو روح دے۔ هغه پاكستان كښې د اسلامي شرعي تعميل په ګامونو هم زور راوړو۔ډاكټر عارف علوي د بېنکنګ سېکټر لخوا د مېرمنو اختيارمندو جوړولو په لړ كښې د هغوي مالي مرستې له د قرض يوې برخې په وقف كولو هم زور راوړو دغسې چې هغوي د هېواد په تل پاتي پرمختګ كښې مثبت كردار ترسره كړے شي۔ له دې نه وړاندې د خزانې وفاقي وزير شوکت ترین ، د وزيراعظم صلاحکار ډاکټر عشرت حسېن ، د پاکستان د سټېټ بېنک ګورنر ډاکټر رضا باقر ، د پاکستان سټاک ایکسچینج مشر ډاکټر شمشاد اختر ، د سند بېنک شرعیه بورډ اسلامي بېنکارۍ څانګې مشر مفتي محمد نجیب خان ٬ د سندھ ګورنر عمران اسماعیل او نور اعلی چارواكي هم موجود وو۔ كنفرنس ته خپل خطاب كښې ډاكټر عشرت حسېن ووئيل اسلامي بېنكنګ سسټم د نوو چېنلجونو مقابلې كولو صلاحيت ترلاسه كړے او دا د روايتي نظام متبادل په توګه رامخې ته كېدے شي۔ ډاكټر عشرت حسېن هغه څانګو ته د خاص پاملرنې كولو په حاجت زور راوړو كومې چې اسلامي بېنكارۍ پرېښودلې دي۔ د سټېټ بېنك آف پاكستان ګورنر ډاكټر رضا باقر خپل خطاب كښې ګډون كوؤنكو ته ووئيل د اسلامی بېنکاری آساني د 60 نه زياتو هېوادونو كښې شته او په سم لوري روانه ده۔ هغه ووئيل بهېر هېوادونو كښې مېشته پاكستانيانو په دې نظام كښې ژوره خوښي لرلې ۔ په دې موقعه خپل خطاب كښې مفتي نجيب ووئيل اسلامي بېنكارۍ ته وده وركولو له ګرده نړۍ كښې هڅې روانې دي۔ مفتي نجيب دا وړاندېز وركړو چې اسلامي بېنكار بايد د هېواد په تعليمي نصاب كښې شامل كړے شي
د صدر ډاكټر عارف علوي د اسلامي بېنكارۍ په اړه څلورم ګول مېز كنفرنس ته خطاب
مضمون کا ماخذ : apostas lotomania
متعلقہ مضامین
