لاهور 13 دسمبر (اے پي پي) وزيراعظم عمران خان وئيلي دې د راروان كال تر مارچ مياشتې به د پنجاب هرې كورنۍ له صحت کارډ وركړے شي ٬ كومو څخه به چې د كال تر لس لاكهه روپو ويړيا درملنه كولې شي ، پنجاب كښې به په هيلتھ انشورنس په 3 كلونو كښې 440 اربه روپۍ خرڅ كولې شي، يونيورسل هيلتھ پروګرام سره به ټول هېواد كښې روغتونونه جوړ كړے شي، احساس راشن سکيم څخه به 50 زره څخه كم آمدن لرونكو له 50 فيصده رعايت وركولې شي ،د 47 اربه روپو 62 لکهه سکالرشپ مستحقو زدكونكو له وركولې شي ٬ حکومت په سخت وخت كښې د اولس لپاره آساني راپيدا كولو له هڅې كوي۔ده د ګل په ورځ لاهور ګورنر هاؤس كښې د صحت سهولت پروګرام ترمخه د نيا پاکستان صحت کارډ جارې كولو دستورې ته وينا كوله۔په دې موقع د پنجاب ګورنر چوهدري محمد سرور ٬ وزيراعلي سردار عثمان بزدار د اطلاعات وفاقي وزير چوهدري فواد حسېن ٬ وزير مملکت فرخ حبيب ٬ وفاقي وزيران بريګيډيئر(ر) اعجاز شا ه،شفقت محمود،حماد اظهر، د وزيراعظم خاص مرستيال شهباز ګل، ډاکټر فيصل سلطان، صوبائي وزيره ډاکټر ياسمين راشد پشمول د قامي اسمبلۍ او صوبائي اسمبلۍ غړو په ګڼ شمير ګډون كولو۔ وزيراعظم عمران خان ووئيل د غريبو كورونو چې كله څوك ناروغه شي په هغوي څه تيرېږي او كله چې هغه د خپل رنځور درملنه نه شي كولې په هغه كورنۍ د بې بسۍ څه حالت وي ٬ دغې نه مونږ په ښه ډول خبر يو او دا هغه وخت خبر شوم كله چې زما مور د کينسر په شان په ناوړه رنځ اخته وه او د وسائلو لرلو باوجود درملنې ته بې بس ووم۔ ده ووئيل د دې صورتحال نه پس ما د شوکت خانم کينسر روغتون جوړولو سوچ وكړو ٬ ده ووئېل د شوكت خانم جژړولو نه پس بيا ما سوچ وكړو چې كه لوي څښتن موقع راكړه نو غريبانانو له د ويړيا درملنې آسانيو وركولو لپاره به هيلتھ انشورنس راوړلې شي۔ده ووئيل كله چې ما شوکت خانم روغتون جوړ كړو نو دې لپاره ما چيف ايګزيکټو بهر څخه راوبللو كوم چې د بورډ وړومبي ميټنګ كښې ووئيل روغتون 5 فيصده څخه د زياتو وګړو ويړيا درملنه نه شي كولې۔ده ووئيل نړۍ كښې كوم هم روغتون د 75فيصد کينسر رنځورانو ويړيا درملنه نه شي كولې خو شوکت خانم کينسر هسپتال د كال د 10اربه روپو په مصرف دا فريضه ترسره كوي۔ وزيراعظم ووئيل د لاهور نه پس پېښور او اوس په كراچۍ كښې کينسر هسپتال جوړيږي ۔ده ووئيل كله چې د كورونا آفت راغلو نو چا به ووئيل چې د نريندر مودي د لاك ډائون پريكړه ښه ده خو مونږ ځكه د لاك ډاؤن پريكړه ونه كړه چې خواري كښ او د ټيکسي ډرائيورز به څه كېږي۔ عمران خان ووئيل د بده مرغه زمونږ ايليټ کلاس د عام وګړي فكر ونه كړو ، كله چې د چين ووهان ولايت كښې د لاك ډاؤن پريكړه وشوه نو هغوي هر كور ته خوراك ورسولو، ده ووئېل په سمارټ لاك ډاؤن نن د پاکستان په نړۍ كښې مثال وركرے كېږي۔ وزاعظم ووئيل حکومت د سيرت البني په اړه خبرتيا لپاره رحمت اللعالمين اتھارټي جوړه كړې۔ده ووئيل كله چې نبي (ص) د مدينې رياست مشري سنبھال كړه نو مسلمانان زيات غريبانان وؤ خو هغه د فلاحي رياست جوړولو پريكړه وكړه۔ده ووئيل عقل دا وائي تر څو چې فلاحي رياست خبره ده نو هغې لپاره روپو ته اړتيا وي خو د مدينې په رياست كښې پيسې نه وې۔ده ووئيل نبي(ص) دا ثابت کړه چې اول به په رياست كښې انسانيت راووستلے شي بيا پيسه راځي ، مونږ خو د 74 كلونو راهسې په دې انتظار وؤ چې پيسه به راشي نو دا كار به وكړو چې له امله ئې پاکستان اسلامي فلاحي رياست جوړ نه شو،ده ووئېل دا زمونږ ايمان دے چې كله د لوي څښتن د مخلوق خذمت کوو نو په دې لوي څښتن خوشحالېږي۔ده په پنجاب كښې د صحت کارډ په جارې كولو د پنجاب وزيراعلي سردار عثمان بزدار او د روغتيا وزيرې ډاکټر ياسمين راشد له مباركي وركړه ۔ ده ووئيل پنجاب كښې به په هيلتھ انشورنس 440 اربه روپۍ خرڅ كولې شي او يو هيلتھ سسټم به وي كوم څخه به چې د كليو په كچه ښه والې راشي او پرائيويټ څانګه به روغتونونه جوړ كړي چرته به چې غريبانان خپله درملنه كولې شي۔په دې موقع د پنجاب وزيراعلي سردار عثمان بزدار هم خطاب وكړو او د روغتيا صوبائي وزيرې ډاکټر ياسمين راشد د استقباليې خطبه وړاندې كړه۔
تر مارچ مياشتې به پنجاب كښې هرې كورنۍ له صحت کارډ وركړے شي، پنجاب كښې به په هيلتھ انشورنس 440 اربه روپۍ خرڅ كېږي، د وزيراعظم د نيا پاکستان صحت کارډ دستورې ته وينا
مضمون کا ماخذ : لوٹیریا کے اعدادوشمار
متعلقہ مضامین
