اسلام ??باد۔2اکتوبر(اے پی پی) چیئرمین وزیراعظم یوتھ پروگرام ??انا مشہود احمد خان نال پاکستان اچ ایتھوپیا دے سفیر جمال بکرعبداللہ ملاقات کیتی جیں اچ ݙوہیں ملکاں اچ نینگراں کوں بااختیار بݨاوݨ سانڳے نویں رستے ڳولݨ تے سانجھی دلچسپی دے امور تے ڳالھ مہاڑ کیتی ڳئی۔ وزیراعظم یوتھ پروگرام ??وں جاری بیان موجب سفیر ایتھوپیا تے پاکستان ݙوہیں ملکاں اچ نینگراں دی نمایاں آبادی کوں نشابر کیتے تے تعاون دے امکانات تے زور ݙتا، انھاں توانائی تے اختراعات کوں بروئے کار گھن آوݨ دی اہمیت تے زور ݙیندے آ??ھیے ایتھوپیا دے نینگر موسمیاتی تبدیلی دے خلاف جنگ اچ ھک اہم کردارنبھیندے پئن ۔ رانا مشہود احمد خان موجودہ حکومت دے تحت ایتھوپیا دی متا??ر کن ترقی دی تعریف کریندے آ??ھیے اساں آپݨے نینگراں کوں بااختیار بݨاوݨ سانڳے تعاون کرسڳدوں ، وزیراعظم شہباز شریف نینگراں دی ترقی سانڳے ٻہوں اقدامات چاتن جیں دا ݙوہیں ملکاں کوں فیدہ تھیسی ۔ ایتھوپیا دےسفیر مزید آکھیے پاکستانی تاجراں کوں ایتھوپیا اچ جنوری2025 اچ تھیوݨ آلی سنگل کنٹری نمائش اچ شرکت سانڳے سݙیا ڳئے ، جیڑھی تجارتی تعلقات کوں تکڑا کرݨ دا ھک وکھرا موقع ݙیسی ۔ملاقات اچ پاکستان تے ایتھوپیا اچ نینگراں دے مستقبل سانڳے مزید اقدامات کرݨ دا سانجھا عزم ظاہر کیتا ڳئے
