اسلام آباد۔2دسمبر (اے پی پی):نیشنل کمانڈ ینڈ آپریشن سینٹر (این سی او سی )اچ وزیراعظم دے معاون خصوصی صحت ڈاکٹر فیصل سلطان اتے وفاقی وزیر داخلہ بریگیڈیئر ریٹائرڈ اعجاز احمد شاہ میڈیا کوں بریفنگ ݙیندے ہوئیں ݙسائے جو 5 دسمبر توں 12 دسمبر تئیں ہفتہ کورونا ایس او پیز دے دوران انھاں ایس او پیز تے ع??لدرآمد کوں یقینی بݨاوݨ دا فیصلہ کیتا ڳے ۔ایں ہفتے کوں مناوݨ دا مقصد عوام اچ وائرس دے خلاف مروجہ ایس او پیز تے ع??لدرآمد کوں یقینی بݨاوݨ ھے ت??ں جو ایں بیماری کوں ہرایا ونڄ سڳے ایں ضمن اچ معاون خصوصی صحت ڈاکٹر فیصل سلطان آکھیے جو صوبائی حکومتاں دے نال ہفتے کوں کامیاب بݨاوݨ کیتے مشاورت دا عمل جاری اے ت??ں جو عوام اچ کورونا دے ایس او پیز جنھاں اچ ماسک دا استعمال،سماجی فاصلے،پر ہجوم جہیں توں ہک پاسے رہݨ ،ہتھ نہ ملاوݨ دے حوالے نال عمل درآمد کوں یقینی بݨایا ویسی۔اینویں وائرس کوں ہرایا ونڄ سڳدے ۔ضلعی انتظامیہ توں وی گزارش کیتی ڳی اے جو او اپݨی متعلقہ ٹیماں کوں متحرک کرے اتے ہر صورت کورونا دے مروجہ ایس او پیز تے ع??لدرآمد کوں یقینی بݨیندے ہوئیں ہفتے کوں کامیاب بݨاون۔
