اسلام آباد۔29نومبر(اے پی پی) وفاقی وزیر تجارت جام کمال خان آکھیے وزارت تجارت، ٹریڈ ڈویلپمنٹ اتھارٹی آف پاکستان نال رل تے ایتھوپیا اچ تھیوݨ آلی سنگل کنٹری ایگزیبیشن دی تیاری کریندی پئی اے، نمائش دا مقصد پاکست??نی تاجراں کوں ایتھوپیا دے اہم منصوبیں نال جوڑݨ تے افریقہ دی 1.4 ارب لوکاں دی وسیع مارکیٹ تئیں رسائی گھنݨی ہئی ۔ وزارت توں جاری اعلامیہ موجب اے ڳالھ انہاں ایتھوپیا دے سفیرڈاکٹر جمال عبداللہ کوں ملاقات اچ آکھی ۔ ملاقات اچ ایتھوپیا ات?? وسیع تر افریقی مارکیٹ نال تجارتی تعلقات ودھاوݨ دے حوالے نال جامع حکمت عملی اپناوݨ تے ڳالھ مہاڑ کیتی ۔ وفاقی وزیر تجارت مئی 2025 اچ عدیس بابا اچ تھیوݨ آلی سنگل کنٹری نمائش دے انتظامات ات?? ایتھوپیا دی حکومت دی طرفوں تعاون ݙیوݨ تے سفیر دا شکریہ وی ادا کیتے ۔ وزیر تجارت آکھیے نمائش توں پہلے ملک اچ سیمیناردا سلسلہ شروع کیتا ویسی جیں اچ ݙوہیں ملکاں دی کاروباری برادریاں کوں سݙیا ویسی ۔ ایتھوپیا دے سفیر ڈاکٹر جمال عبداللہ آکھیے ایتھوپیا ات?? پاکستان وچال ہفتے اچ چار پروازاں چلدیاں پئن ، انہاں آکھیے وختی لاہور تے اسلام آباد توں وی براہ راست پروازاں شروع کیتیاں ویسن ۔ ملاقات اچ ݙوہیں فریقاں اے امید کیتی جو عدیس ابابا اچ سنگل کنٹری نمائش نہ صرف پاکستان ات?? ایتھوپیا وچال تجارت کوں تکڑا کریسی بلکہ پاکست??نی تاجراں سانڳے وسیع تر افریقی مارکیٹ دے نال منسلک تھیوݨ سانڳے ھک پلیٹ فارم دے طور تے وی کم کریسی۔
