اسلام آباد ۔ 29 اګست (اے پی پی) د قومي اسمبلۍ سپيكر اسد قېصر او ډپټي سپيكر قاسم خان سوري وئيلي دي د كربلاﺀ شهيدانو د ايثار او قربانۍ جذبه او مضبوطه اراده خپلولو سره په ټولو ستونزو قابو موندلې كېدې شي۔ د عاشورې ورځې په موقعه خپلو جلا جلا پېغامونه كښې دوئي ووئيل د كربلاﺀ پېښه په لوئے څښتن او آخرت د قوي ايمان ٬ ځانګړې تقوی ٬ مړانې ٬ د لوئے څښتن په لار كښې او قرآن كريم كښې د بيان كړې شوې د شهادت جذبې يوه غوره نمونه ده كومه به چې تر قيامته ياد ساتلې شي۔ سپیکر ووئيل دا ورځ مونږ ته د حضرت امام حسېن (رض) او د ده د ملګرو هغه سترې قربانۍ يادوي كومې چې هغوي حق لپاره وركړې وې۔ سپيكر ووئيل زمونږ ذمه واري ده چې د طاغوتي قوتونو مخې ته مضبوط ودرېږو كوم چې د خپلو ناوړه مقصدونو ترلاسه كولو له ټولنه اړي ګړي سره مخ كوي۔ ډپټي سپيكر قاسم سوري ووئيل د كربلاﺀ پېښه كومه چې د حق او باطل قوتونو ترمينځھ وه مسلمانانو ته د باطل قوتونو په ضد د مضبوط ودرېدو درس وركوي۔ ده ووئيل دا هم هغه لاره ده په كومې د تلو چې مونږ ته زمونږ خوږ پېغمبر خاتم النبیین حضرت محمد صلی اللہ علیه و آله واصحابه وسلم درس راكړے دے او په كومه تلو سره چې حضرت امام حسېن (رض) او د هغه ملګرو ځانګړې قربانۍ وركړې دي۔ ده ووئيل د كربلاﺀ پېښه مونږ ته دا سبق راكوي چې كله هم په قوم سخت وخت راشي نو مونږ بايد كومې قربانۍ نه ډډه ونكړو
د كربلاﺀ شهيدانو د ايثار او قربانۍ جذبه او مضبوطه اراده خپلولو سره په ټولو ستونزو قابو موندلې كېدې شي۔ د قومي اسمبلۍ سپيكر او ډپټي سپيكر د عاشورې ورځې په موقعه پېغامونه
مضمون کا ماخذ : لاٹری ایپلی کیشنز کے فوائد
متعلقہ مضامین
