اسلام آباد 07 اپريل (اے پي پي)وزيراعظم عمران خان وئېلي دي چې د افغانستان د شخړې سياسي حل ضرورې دې٬د روسيې فېډرېشن سره د تجارت٬رېلوے او د هوا بازۍ پشمول په نورو څانګو كښې د مرستې خواهش لرو۔د شورو په ورځ د پاكستان په دوره راغلې د روسيې فېډرېشن خارجه وزير سرګئې لاروف وزيراعظم عمران خان سره ملاقات وكړو۔پھ ملاقات كښې د پاكستان او روسيې په دوه اړخيزه اړيكو او د سيمه ايز او نړيوال اهميت په چارو خبرې وشوې۔وزيراعظم د جون په مياشت كښې په بشكيك كښې د شنګهائي مرستې تنظيم د مشرانو غونډې په موقع صدر ولادي مير پيوټن سره د خپل ملاقات ذكر وكړو چرته چې ده دوه اړخيزه اړيكې نوې كچې ته د رسولو خواهش څرګند كړی و۔وزيراعظم د خارجه پالېسۍ د مهمې ترجيحي په توګه روسيې سره د اړيكو د اهميت څرګندونه وكړه۔ده په دوه اړخيزه اړيكو كښې په استحكام د اطمينان څرګندونه وكړه چې پكښې د تجارت٬توان٬سلامتيا او دفاع په څانګه كښې مرسته شامله ده۔وزيراعظم د پاكستان سټريم(شمالي جنوب)د ګاز پائپ لائن پروژې لپاره د قانوني عمل په تندۍ سره ترسره كولو او په دې زر كار پېل كولو لپاره د پاكستان د عزم څرګندونه وكړه۔پھ ملاقات كښې د توان صنعتي جدت رېلوے او د هوا بازۍ په څانګو كښې د دوه اړخيزه مرستې پھ زياتولو خبرې وشوې۔په ملاقات كښې په دې خبره اتفاق وشو چې د روان كال په پاې كښې به په ماسكو كښې د حكومتونو په كمېشن كښې پھ دې لړ كښې خاص تجويزونه او پلانونه وړاندې كړی شي۔د ملاقات په مهال د كووېډ وبا له امله د روغتيا او د معاش په چېلنجونو هم خبرې وشوې۔وزيراعظم روسيې ته د كورونا واكسين په جوړولو مباركي وركړه او په دې لړ كښې يې د پاكستان په پروژو ټينګار وكړو۔وزيراعظم د افغان شخړې د خبرو د لارې په سياسي حل هم ټينګار وكړو۔ده په ماسكو كښې د افغانستان د سولې عمل ودې لپاره د اوسنۍ غونډې كوربتوب د لارې د روسيې د هڅو ستائنه وكړه۔وزيراعظم هغه د جمو او كشمير شخړې د سوله ايز حل ضرورت پشمول په سوئېلي آسيا كښې د امن او سلامتيا د چارو په اړه د پاكستان د نظر نه خبر كړو۔د ملاقات په مهال د لوېديزې آسيا٬خليج٬د مينځني ختيز او آسيا بحرالكاهل د منطقې په صورتحال هم خبرې وشوې۔وزيراعظم د روسيې صدر پيوټن ته د پاكستان د دورې كولو بلنه وركړه
د افغانستان د شخړې سياسي حل ضرورې دې٬د روسيې فېډرېشن سره د تجارت٬رېلوے او د هوا بازۍ پشمول په نورو څانګو كښې د مرستې خواهش لرو۔د وزيراعظم عمران خان د روسيې فېډرېشن خارجه وزير سره ملاقات كښې خبرې
مضمون کا ماخذ : میگا ملینز
متعلقہ مضامین
