اسلام آباد 14 جنوري (اے پي پي) حكومت واضحه كړې چې اپوزيشن دې بې شكه احتجاج وكړي خو چا له به قانون په لاسو كښې د اخستو اجازه ورنه كړو، د اړي ګړي راجوړولو لپاره دې هڅې ونه كړې شي، عمران خان به كله هم اسرائيل تسليم نه كړي، د مدرسو زده كوونكي راپارولو لپاره دې اشعال انګېزه نعرې ونه وهلې شي، د ټاكنو اوسني كميشن خو ټاكنې كړې نه دي نو احتجاج څه جواز لري، اپوزيشن دې د كومې يوې ادارې وقار خو سلامت پرېږدي، مولانا فضل الرحمان دې اسلام آباد پلو نه بلكې د اسلام پلو اوګوري. دا خبرې وفاقي وزيرانو د زيارت په ورځ د كورنيو چارو په وزارت كښې شريك خبري كانفرنس ته د وېنا كولو په مهال وكړې. وفاقي وزير شېخ رشيد احمد ووئيل د وزيرانو په غونډه كښې د امن او امان د صورتحال جاج اخستل شوے. ده ووئيل وزيراعظم عمران خان د خپل اعلان له مخې پاكستان د مدينې رياست په طرز جوړول غواړي. مونږ د ديني قوتونو احترام كوو او مدرسې د اسلام قلعه او مينارې ګڼو. ده ووئيل اسلام آباد كښې 560 مدرسې شته چې پكښې يوازې 92 رجسټرډ دي. د وزيرانو كمېټۍ په غونډه كښې مهمې پرېكړې شوي او د قانون وزير بېرسټر فروغ نسيم هم مهمې قانوني مشورې وركړي. ده ووئيل د جنورې په 19مه نېټه د اپوزيشن ګوندونه احتجاج لپاره د ټاكنو كمشين ته راروان دي. د ټاكنو كميشن يوه آئيني اداره ده، كه په دې څوك اعتراض لري نو جواز نه لر. ده ووئيل دوي د كومې اسمبلۍ په ضد چې احتجاج كوونكي دي، هم د دې اسمبلۍ په ټاكنو كښې برخه هم اخلي، د انتخابي اصلاحاتو پلو نه راځي. د كورنيو چارو وزير ووئيل د مارچ په مياشت كښې د سېنېټ په ټاكنو كښې به هم اپوزيشن برخه اخلي، مونږ هيله لرو چې اپوزيشن به د امن او امان ستونزه راپېدا نه كړي. د فارن فنډنګ كېس د اورېدنې په موقع به د آئين او قانون په دائره كښې احتجاج وكړے شي او د حكومت د امن خواهش به خراب نه كړے شي. په دې موقع د سائنس او ټېكنالوجې وفاقي وزير فواد چوهدري ووئيل د ټاكنو كميشن د مسلم ليګ ن او پيپلز پارټۍ په مشوره تشكيل شوے ؤ. تېرې ټاكنې دې الېكشن كميشن نه دي كړې ځكه د دې كميشن په ضد د احتجاج كوم جواز نشته. ده ووئيل د اپوزيشن مشران په هره يوه اداره تنقيد كوي، د كومې يوې ادارې وقار خو دې سلامت پرېښودي. د دفاع وزير پروېز خټك ووئيل اپوزيشن په شروع كښې وئيلي وو كه د درغلې ټاكنې ثابت شوې نو اسمبلي به چلېدو ته پرې نه ږدو. بيا چې كله د جوړې كمېټۍ دوه غونډې وشوې نو دوي د كمېټې نه غائب شول. اپوزيشن له پكار وو چې په كمېټې كښې ئې د درغلې ثبوتونه وړاندې كړي وو خو د ثبوت نه بغېر تورونه ولګولے شول. دا كمېټي اوس هم موجود ده د كومې غونډې رابللو لپاره چې دوي ماته خط نه دے ليكلے او نه كوم ريكارډ وړاندې كوي. د اطلاعات او خپرونو وفاقي وزير سېنېټر شبلي فراز ووئيل هغه يو ځل بيا پيپلز پارټۍ او ن ليګ ته خواست كوي چې ځان سره ثبوتونه راوړي، رسيدونه، شناختي كارډونه او د فارن فنډنګ ريكارډ هم راوړي. يوازې دړكو لپاره دې نه راجمع كېږي، د ټاكنو كميشن ته دې ضروري ثبوتونه وړاندې كړي. د قانون وزير فروغ نسيم ووئيل احتجاج كول د اپوزيشن حق دے خو سترې محكمې د فېض آباد دهرن كېس كښې واضحه كړې وه چې هر ځاے دهرنا او احتجاج نه شي كېدے.ده ووئېل كه اپوزيشن آئين او قانون مني نو د سترې محكمې دا حكم دې تسليم كړي او كه احتجاج كوي نو د قانون په دائره كښې دننه دې وكړي. قانون دې په لاسو كښې وانخستلے شي. د يوې پوښتنې په ځواب كښې د كورنيو چارو وفاقي وزير شېخ رشيد احمد ووئيل مولانا فضل الرحمان عالم دين دے، هغه دې د اسلام آباد پلو نه بلكې د اسلا پلو وګوري. د مدرسو په زده كوونكو كښې اشعال خپرولې شي او د ختم نبوت بهانه كوي. زه واضحه كول غواړم چې ختم نبوت لپاره چې كله او چرته هم غونډه كول غواړې ، وكړې، زه د ختم نبوت سپاهي يم. مولانا فضل الرحمان ختم نبوت لپاره كله هم زندان ته نه دې تللے. ده ووئېل د اسرائيل خبرې كېږي، زه واضحه كول غواړم چې كه هر څه اوشي عمران خان كله هم اسرائيل نه شي تسليمولے. د يوې بلې پوښتنې په ځواب كښې ده ووئيل په فارن فنډنګ كېس كښې د 40 زره خلقو فنګر پرنټس، شناختي كارډونه او ضروري دستاوېزات وړاندې كړې شوي، په دې كېس د پيپلز پارټۍ لاسليك نشته، مسلم ليګ ن يوازې تورونه لګولي، ثبوت نشته. د يوې بلې پوښتنې په ځواب كښې ده ووئيل د مدرسو په اړه د مذهبي چارو وفاقي وزير نورالحق قادري او د كورنيو چارو وزير پشمول كمېټې جوړه كړې شوې. مونږ مدرسو سره په رابطه كښې يو، مدرسې د اسلام قلعې دي او مونږ د مدرسو ډېر احترام كوو خو مدرسې دې سياست لپاره ونه كارولے شي. ده ووئيل سياست د بندې كوڅې نه مېدان او څلورو لارو ته راغلے، زمونږ اعصاب قوي دي، مونږ د اولس ملاتړ لرو. ده ووئيل د وزيراعظم عمران خان حكومت به پنځه كاله پوره كوي.
اړي ګړي راجوړولو لپاره دې هڅې ونه كړې شي، چا له به قانون په لاسو كښې د اخستو اجازه ورنه كړو، اوسني الېكشن كمېشن خو ټاكنې كړې هم نه دي نو احتجاج څه جواز لري. د وفاقي وزيرانو خبري كانفرنس ته وېنا
مضمون کا ماخذ : کمپیوٹر لاٹری کے نمبر
متعلقہ مضامین
