اسلام آباد 20 جنوري(اے پي پي) خارجه وزير مخدوم شاه محمود قرېشي وئيلي دي پاكستان اروپائي هېوادونو سره په بېلا بېلو څانګو كښې د دوه اړخيزه مرستې ودې لپاره هڅې كوي٬ د کرونا وائرس وباء باوجود زمونږ برآمدات زيات شوي٬ معاشي اشاريې د بهترۍ زېرې وركوي ٬ هند د خپلې رياستي ترهګرۍ د لارې په ټوله منطقه كښې امن تهس نهس كول غواړي۔ وفاقي وزير دا خبرې د شورو په ورځ د اروپائي ائتلاف سفيرانو په درناوي كښې د غرمې مېلمستيا په موقع كړې٬ د خارجه وزير په بلنه 18 سفيرانو د مېلمستياﺀ په دستوره كښې ګډون كولو۔ په دې موقع وفاقي وزير د سفير په توګه په نوې ذمه وارو سنبهالولو سفيرانو له مباركي هم وركړه ۔ ده ووئيل د کرونا نړيوال وبائي چيلنج په مهال د اروپائي ائتلاف د معاونت مننه كوٶ٬ د کرونا وبائي چېلنج په مهال د معاشي زيان مخنيوي او پرمختګ كوٶنكو هېوادونو معاشي بحالۍ لپاره وزيراعظم عمران خان په قرض كښې د سهولت تجويز وركړے د كوم چې په نړيواله كچه ستائنه شوې۔ خارجه وزير ووئيل د محدودو وسائلو باوجود د كرونا چېلنج مخنيوي لپاره مونږ د “سمارټ لاك ډاؤن” حکمت عملي خپله كړې چې ورسره د دې وباء لاره نيولو له ښه مرسته تر لاسه شوې، زه په دې خبره كولو خوشحالي محسوسوم چې زمونږ معاشي هلې ځلې په بشپړه توګه بحال شوي۔ده ووئېل د وبائي صورتحال باوجود زمونږ برآمدات كښې ښه اضافه شوې او زمونږ معاشي اشاريې د بهترۍ زېرې وركوي او د پاكستان سټېټ بېنك او زمونږ اقتصادي ادارو د غوره كاركردګۍ څرګندونه كړې ۔ ده ووئيل د پاكستان او اروپائي ائتلاف ترمېنځه د مرستې په اړه په جون كال 2019 كلښې په ستراتېژك انګيجمنټ پلان لاسليك شوے او د كرونا وباء په ورځو كښې زما د اروپائي هېوادونو همڅنګو سره ټېلي فوني رابطې برقرار وې٬ د جي اېس پي پلس د سټېټس په اړه د اروپائي ائتلاف د معاونت مننه كوٶ۔ مخدوم شاه محمود قرېشي ووئيل پاکستان په افغانستان كښې پوخ امن او استحكام غواړي٬ پاكستان د افغان امن عمل كښې د روغې جوړې د كردار٬ د زړه د اخلاصه ادا كړے او ادا كوي به۔ خارجه وزير ووئيل پاكستان د تېرو څلور لسيزو راهسې د افغان كډوالو كوربتوب كوي٬ مونږ د افغان كډوالو په عزت سره هېواد ته د ستنېدو خوښي لرو٬ مونږ ګاٶنډيانو هېوادونو سره د برابرۍ په كچه دوه اړخيزه اړېكې غواړو۔ خارجه وزير شاه محمود قرېشي ووئيل هند د خپلې رياستي ترهګرۍ د لارې د ټولې منطقې امن تهس نهس كول غواړي٬ مونږ د ترهګرۍ د معاونت نه مسترد كېدونكو ثبوتونو يو ډوزئير نړۍ ته وړاندې كړے او اوس اي يو ډس انفولېب رپورټ د هند ناوړه عزائم لا بې نقابه كړي٬ د پلوامه پېښې حقيقت هم نړۍ ته ورامخې ته شوے
د کرونا وائرس وباء باوجود زمونږ برآمدات زيات شوي٬ معاشي اشاريې د بهترۍ زېرے وركوي ۔ د خارجه وزير مخدوم شاه محمود قرېشي
مضمون کا ماخذ : کمپیوٹر لاٹری انعامات
متعلقہ مضامین
